સૌપ્રથમ એક મોટા બાઉલમાં ઘઉંનો લોટ, મેંદા નો લોટ, રવો નાખી, જરૂર મુજબ મોણ અને તલ નાખી બરાબર મિક્સ કરવું. ચપટી મીઠું નાખવું. પછી તેમાં જરૂર મુજબ ગોળનું પાણી અથવા ખાંડની ચાસણી નાંખી, કઠણ લોટ બાંધવો.

આ લોટને તેલ ની મદદથી બરોબર મસળી લેવો. પંદરથી વીસ મિનિટ સુધી ઢાંકીને રાખી દેવો.

હવે એક પેનમાં તેલ ગરમ કરવા મૂકવું. લોટના મોટા લુવા કરવા. એક લુવાને ગોળ રોટલી જેવો વણી લેવો. તેના પર ચપ્પુની મદદથી નાના નાના કાપા પાડી લેવા અને ગોલ્ડન બ્રાઉન તળી લેવા.

આ રીતે બધા લુવા ની રોટલી કરી, કાપા પાડી, ગળ્યા શક્કરપારા તળી લેવા.

ઘઉં અને મેંદાના મિક્ષ લોટના શક્કરપારા ખૂબ જ ક્રિસ્પી અને કડક થાય છે.