સૌ પ્રથમ લીલા નારિયળને કાચલીમાંથી કાઢી, તેની પાછળનો કડક ભાગ છોલી ઝીણું સમારી લો. હવે, મિકસરજારમાં કોપરાના ટુકડા અને દૂધ ઉમેરી પીસી લો.

ત્યારબાદ કડાઈમાં ઘી ગરમ મૂકી તેમાં તૈયાર કરેલ કોપરાની પેસ્ટ ઉમેરી સાંતળો. દૂધ બળી જાય ત્યાંસુધી હલાવતાં રહો. હવે તેમાં ખાંડ અને માવો ઉમેરીને સારીરીતે મિકસ કરી લો.

માવો ઓગળી જાય એટલે તેમાં ઈલાયચી પાવડર અને ફૂડ કલર ઉમેરી મિકસ કરી લો. મિશ્રણ પેન છોડે એવું થાય એટલે ગેસની ફ્લેમ બંધ કરી દો.

હવે, મિશ્રણ થોડું ઠંડું થાય ત્યારબાદ તેમાંથી નાની સાઈઝના લાડુ વાળી કોપરાની છીણમાં રગદોળી ઉપર પિસ્તાથી ગાર્નિશ કરી સર્વ કરો.
તો તૈયાર છે નારીયેળના લાડુ.