સૌપ્રથમ ખીચડી ને બે-ત્રણ પાણીથી ધોઈ લો પછી કૂકરમાં ચાર ગણું પાણી ઉકળવા મૂકી ઉકળે એટલે ખીચડી તેમાં નાખી સ્વાદાનુસાર મીઠું તેમજ ઘી નાખી કૂકર બંધ કરી દો. કુકરમાં હવા ભરાય એટલે આ જ ધીમી કરી ૧૫ મિનિટ થવા દો પછી ગેસ બંધ કરી દો.

બીજી બાજુ કઢાઈ માં ઘી નાખી ગરમ થાય એટલે મેથીના દાણા સૂકી મેથી લીમડાનો વઘાર કરી આદુ લસણ મરચાની પેસ્ટ સાંતડી અને સમારેલી ડુંગળી સાંતળો.

હવે તેમાં સ્વાદ અનુસાર મીઠુ તેમજ હળદર મરચું ધાણાજીરું નાખી હલાવો પછી છાશમાં ચણા નો લોટ મિક્સ કરીને નાખી બરાબર હલાવી થવા દો.ઉકળવા લાગે એટલે ગેસ ધીમો કરી પાંચ મિનિટ ઊકળવા દો પછી તેમાં સ્વાદ અનુસાર ગોળ અને ચમચી લીંબુનો રસ એડ કરી હલાવી ગેસ બંધ કરી દો અને ઉપરથી સમારેલી કોથમીર નાખો.

હવે સર્વિંગ માટે એક પ્લેટમાં ખીચડી કાઢી વચ્ચે કઢી નાખો અને પાપડ સાથે સર્વ કરો. તો તૈયાર છે ઘાટી મીઠી કઢી સાથે ખીચડી