એક તપેલીમાં દહીં, પાણી, બેસન અને મીઠું ઉમેરી હેન્ડમિકસીથી સારીરીતે મિક્સ કરી આ મિશ્રણને ધીમા તાપે ઉકળવા મુકો. ત્યારબાદ એક ખલમાં આદુ અને મરચા વાટી આ પેસ્ટ ઉમેરી તેને સતત હલાવતા રહો જેથી દહીં ફાટે નહી.

હવે, વઘારિયામાં ઘી ગરમ કરી તેમાં સૂકા લાલમરચાં, મેથી, મરી, લવિંગ, જીરૂ, લીમડાના પાન અને હીંગ ઉમેરી વઘાર કરી તેને કઢીમાં ઉમેરીને ૧૦ મીનીટ સુધી ઉકાળ્યા બાદ તેમાં ખાંડ ઉમેરી મિક્સ કરી લો અને ૫ મિનીટ પછી ગેસની ફ્લેમ બંધ કરી દો. તો કઢી તૈયાર છે.

હવે, સૌપ્રથમ એક બાઉલમાં મગની દાળ અને ચોખાને ધોઈને અડધા કલાક સુધી પાણીમાં પલાળી રાખો. ત્યારબાદ, એક કૂકરમાં ઘી ગરમ કરી તેમાં રાઈ, જીરૂ, હીંગ અને હળદરનો વઘાર કરો અને પછી તેમાં પલાળેલા દાળ, ચોખા, પાણી અને મીઠું ઉમેરીને હલાવી લો અને કૂકરમાં ૪-૫ સીટી વગાડી લો.

હવે, કૂકર ઠંડું પડે એટલે તેમાં ઘી નાખી બરાબર મિક્સ કરી ગરમાગરમ કઢી સાથે પીરસો.

તો તૈયાર છે એકદમ શુધ્ધ દેશી અને સાત્વિક ભોજન.