સૌ પ્રથમ મૈસુર મસાલો એટલે સ્ટફિંગ બનાવવા માટે એક કડાઈમાં તેલ લઈ ગરમ થાય એટલે તેમાં અડદ ની દાળ અને મીઠા લીમડા ના પાન ઉમેરો પછી તેમાં હીંગ,આદું મરચાં ની પેસ્ટ ઉમેરી હલાવી સમારેલી ડુંગળી ઉમેરો અને ડુંગળી ને થોડી ચડવા દો પછી તેમાં લસણ ની પેસ્ટ ઉમેરી હલાવી લો.

હવે તેમાં બાફી ને સમારેલા બટાકા ઉમેરી સ્મેશ કરી તેમાં હળદર,લાલ મરચું પાવડર,સાંભર નો મસાલો ઉમેરી હલાવી સમારેલા લીલા ધાણા ઉમેરી હલાવી બધું બરાબર મીક્સ કરી ૧ મિનિટ થવા દો પછી ગેસ બંધ કરી લઈ.તો તૈયાર છે મૈસુર મસાલો.

એક મિક્સર જારમાં પલાળેલા સૂકા લાલ મરચાં,આંબલી,લસણ,સ્વાદાનુસાર મીઠું અને જરૂર મુજબ પાણી ઉમેરી ક્રશ કરી લો તો તૈયાર છે ઢોંસા માં પાથરવા ની ચટણી.

એક બાઉલ માં ખીરું લઈ તેમાં સ્વાદાનુસાર મીઠું ઉમેરી હલાવી લો.એક નોનસ્ટિક તવી લઈ તેને ગરમ કરવા મુકો ગરમ થાય એટલે ઉપર પાણી છાંટી લૂછી લો અને તેના પર ૨ ચમચા ખીરું નાંખી પાતળો ઢોસો પાથરી લો ઉપર બટર અને લસણ ની લાલ ચટણી અને લીલા ધાણા ફુદીના ની ચટણી મૂકી તબેથા થી બધે લગાવી લેવી.

હવે ઉપર તૈયાર કરેલ મૈસુર મસાલા નું સ્ટફિંગ પાથરી ઢોસા ને વાળી લેવો.

સરવિંગ પ્લેટમાં કાઢી ગરમ ગરમ તેને સાંભર, લીલા નાળિયેર ની ચટણી અને લીલી ચટણી સાથે સર્વ કરવા.તો તૈયાર છે મૈસુર મસાલા ઢોંસા.