સૌપ્રથમ એક કડાઈમાં ઘી સાધારણ ગરમ કરો.ઘી સહેજ ગરમ થાય પછી તેમાં શિંગોડા નો લોટ ઉમેરો.(આ શીરા માં ઘી થોડું આગળ પડતું લેવાથી શીરો ચીકણો પડતો નથી.)

હવે ધીમા તાપે લોટ ને બરાબર સેકી લો.લોટને સતત હલાવતા રહેવું જરૂરી છે. લગભગ 8 થી 10 મિનિટ માટે ધીમા તાપે સેકો..8 થી 10 મિનિટ પછી લોટ સરસ શેકાઈ જશે.પછી તેમાં થોડું થોડું કરીને દૂધ ઉમેરો..અને ફરીથી 3 થી 4 મિનિટ ધીમા તાપે સેકો.

હવે તેમાં ઈલાયચી પાઉડર ઉમેરો અને મિક્સ કરો.. હવે 3 થી 4 મિનિટ પછી તેમાં ખાંડ ઉમેરો.અને મિક્સ કરો..શીરામાંથી ઘી છૂટું પડે અને શીરો કડાઈ છોડવા લાગે પછી તેને નીચે ઉતારી લો.

ઘી થી ગ્રીસ કરેલી થાળી માં શીરો પથરી લો.વાટકીની મદદથી શીરો સરસ પાથરી લો.

શીરો સહેજ ઠંડો થાય પછી ચપ્પા ની મદદથી ચોરસ આકારમાં કાપી લો.. તો તૈયાર છે વ્રત કે ઉપવાસ મા ખાઈ શકાય એવો શીંગોડાનો શીરો.