સૂકા વટાણાને પાંચથી છ કલાક પલાળી તેને ચાર whistle વગાડી બાફી લો.

એક મિક્સર જારમાં ટામેટા, ડુંગળી, આદુ, મરચા, લસણ લઈ તેની પેસ્ટ બનાવી લો. એક પેનમાં તેલ ગરમ કરી તેમાં બનાવેલી પેસ્ટ સાંતળી લો હવે તેમાં બાફેલા વટાણા ઉમેરો સેવ ઉસળ મસાલો બરાબર સાંતળી લો જરૂર મુજબનું પાણી ઉમેરી તરી તૈયાર કરી લો. પૌવા ને બરાબર ધોઈને પલાળી લો.

બીજા એક પેનમાં તેલ રાઈ હિંગનો વઘાર કરી ડુંગળી સાંતળી લો ત્યારબાદ તેમાં બટાકા ઉમેરી લીલા મરચા ઉમેરી તેને ચડવા દો. ત્યારબાદ તેમાં પૌવા ઉમેરી બધા મસાલા ઉમેરી મિક્સ કરીને બટાકા પૌવા તૈયાર કરી લો.

એક સર્વિંગ પ્લેટમાં પૌંઆ ઉપરથી તરી મૂકી ટામેટા ડુંગળી અને ધાણા ભભરાવો. પરથી સેવ ભભરાવવી લીંબુ ની સ્લાઇસ મૂકી સર્વ કરો.