સૌપ્રથમ પાલક પનીર બનાવવા માટેની સામગ્રીની તૈયારી કરી લેવી.

પાલક અને કોથમીરને ધોઈ લેવા. હવે એક વાસણમાં પાણી ગરમ કરવા મૂકો. પાણી ગરમ થાય એટલે તેમાં પાલક નાખી બેથી ત્રણ મિનિટ ઉકાળવું. બે મિનીટ પાલક નાખ્યા પછી તેમાં કોથમીર નાંખવી ત્રણ મિનિટ પછી પાલક અને કોથમીર ચારણી માં લઈ તેની ઉપર ઠંડું પાણી રેડવું.

તેલ ગરમ કરી તેમાં જીરું નાખો. પછી તેમાં લીલા મરચા, લસણ અને આદુ એક મિનિટ માટે સાંતળો. પછી તેમાં કાંદા નાખી પાંચ મિનિટ સાંતળો. પછી તેમાં ટામેટા અને મીઠું નાખી ટામેટા સોફ્ટ થાય ત્યાં સુધી સાંતળો. પછી તેને એક ડીશમાં લઈ ને ઠંડું થવા દેવું.

ઠંડુ થાય પછી મિક્સર જારમાં પાલક અને કોથમીર સાથે મિક્સ કરી વાટી લેવું.

હવે કડાઈમાં તેલ અને બટર ગરમ કરી તેમાં હળદર, ધાણાજીરૂ, લાલ મરચું અને ઘઉંનો લોટ નાખી સાંતળો. પછી તેમાં પાલક વાળી પ્યુરી અને પાણી નાખી ઉકાળો. ગ્રેવી ઉકળવા લાગે પછી તેમાં દહીં અને પનીર નાખવું. સાથે ગરમ મસાલો અને જરૂર પ્રમાણે મીઠું ઉમેરી મિક્સ કરી ૨થી ૩ મિનિટ માટે ઢાંકણ ઢાંકીને ઉકાળવું.