એક મોટી કથરોટમાં ચોખાના લોટમાં ઘઉનો લોટ મીક્ષ કરવો. ત્યારબાદ તેમાં અજમો ઉમેરવો.

સાથે સાથે તલ, હળદર અને હિંગ ઉમેરવા.

આ ઉપરાંત તેમાં જીરૂ, લાલ મરચું અને મીઠું ઉમેરવા.

પછી તેમાં આદુ-મરચાની પેસ્ટ તથા ઘી લઈ બધું સરસ રીતે મીક્ષ કરવું. (નોંધ: ઘી ને બદલે તમે દુધની મલાઈ કે માખણ પણ લઈ શકો.)

લોટને ખુબ સરસ રીતે મસળવો. લોટને મુઠ્ઠીથી દાબી જોઈ લેવો. લોટ છુટ્ટો ના પડે તો સમજવું લોટનું મોણ બરાબર છે. હવે તેમાં ધીરે ધીરે પાણી ઉમેરી લોટ બાંધવો. લોટ મીડીયમ કઠણ રાખવો.

હવે તૈયાર કરેલ લોટને સંચાને તેલથી ગ્રીસ કરી, ચકરીની જાળી રાખી તેમાં ભરવો. ચકરી પ્લાસ્ટિક પર પાડવી. તેલ ગરમ કરી તેમાં તળી લેવી. આપણી ટેસ્ટી ચકરી તૈયાર છે.