એક કડાઈમાં ઘી લઈ ઘી ગરમ થાય એટલે કાજુ તળી લો. પછી એક પ્લેટમાં કાઢી લો. હવે કડાઈમાં તેલ લઇ તેમાં આખા લાલ મરચા, તમાલપત્ર અને જીરું તતડે એટલે સમારેલી ડુંગળી એડ કરો. ડુંગળી શેકાઈ જાય એટલે હિંગ, આદુ મરચાની પેસ્ટ નાખી મિક્સ કરી હલાવી દો. ધીમા તાપે બે મિનિટ ઢાંકીને રાખો. હવે તેમાં ટામેટા ની ગ્રેવી એડ કરો. પછી તેમાં મીઠું નાખી ઢાંકીને 3 મિનિટ ચડવા દો.

એક બાઉલમાં લસણની ચટણી, ધાણાજીરું પાઉડર, કાશ્મીરી લાલ મરચું, હળદર અને થોડું પાણી રેડી મિક્સ કરીને તેની પેસ્ટ બનાવો. તેનો કલર સરસ આવશે. જે પેસ્ટ તૈયાર કરી છે તે ગ્રેવી માં એડ કરી હલાવીને તેલ છુંટુ પડે ત્યાં સુધી શેકાવા દો.

હવે તેલ છૂટું પડે છે.એક કપ છાશ રેડી હલાવો. બે મિનીટ કુક કરો.રસો બહુ જાડો નથી રાખવાનો, કેમકે તેમાં ગાંઠિયા નાખવાથી રસો ઓછો થઈ જાય છે. હવે તેમાં એક બાઉલ ગાંઠીયા, પંજાબી મસાલો એડ કરી મિક્સ કરો. પાંચ મિનિટ બાદ શાક માંથી તેલ છૂટું પડે એટલે ગેસ બંધ કરો.