એક બાઉલ માં લોટ અને રવો લો અને તેમાં મોણ ઉમેરી મીઠું ઉમેરી જરૂર મુજબ પાણી ઉમેરી રોટલી કરતાં કઠણ અને ભાખરી કરતાં નરમ લોટ બાંધી તેને 1/2 કલાક ઢાંકી ને રાખી દો

સૌ પ્રથમ લીલવા અને વટાણા માં આદું મરચાં ઉમેરી તેને બારીક પીસી લો (જરૂર મુજબ પાણી ઉમેરી શકો છો)

એક પેન માં તેલ ગરમ કરો અને તેમાં પીસેલી પેસ્ટ ઉમેરો અને તેમાં મીઠું ઉમેરો તેને ઢાંકી ને ધીમા તાપે ચઢવા દો વચ્ચે વચ્ચે ચલાવતા રહો

ત્યારબાદ તેમા મીઠું મરચુ અને હળદર પાઉડર અને ગરમ મસાલો ઉમેરો અને બારીક સમારેલી કોથમીર ઉમેરો અને માવો બીજાં વાસણ માં ઠંડો કરવા મૂકો

લોટ ને કૂણવી તેનાં લુવા બનાવો અને તેમાંથી નાની પૂરી વણી લો અને વચ્ચે માવો ભરી તેને કચોરી નો આકાર આપી દો આ રીતે બધી કચોરી તૈયાર કરી લો

એક પેનમાં તેલ ગરમ કરો ત્યાબાદ તેમાં ધીમા તાપે કચોરી ને બદામી કે સોનેરી રંગ ની તળી લો અને ખજૂર ની ચટણી સાથે પીરસો