સૌ પ્રથમ લોટ બાંધવા માટેની સામગ્રી ભેગી કરી થોડો નરમ એવો લોટ બાંધી લો અને ૧૫-૨૦ મિનિટ માટે રેસ્ટ આપો.

હવે બાફેલા બટાકાની છાલ ઉતારી તેનો છુંદો કરી લો અને તેમાં બધા સૂકા મસાલા જેમકે ધાણાજીરૂ, હળદર, મીઠું, લાલ મરચું, પાવભાજી મસાલો ઉમેરી હાથેથી બરાબર મિક્સ કરી લો.

હવે ડુંગળીને બારીક સમારી લો. હવે એક કડાઈમાં તેલ ગરમ કરી, તેમાં જીરું તથા હીંગનો વઘાર કરી તેમાં ડુંગળી ઉમેરીને સાંતળો.

ડુંગળી સહેજ ગુલાબી રંગની થાય એટલે તેમાં બટાકાનો માવો ઉમેરી તેને બરાબર મિક્સ કરી, તેને એક થાળીમાં પાથરી ને ઠંડુ કરી લેવું.