સૌપ્રથમ પલાળેલા ચોખાનો ભાત બનાવી લો. હવે એક કડાઈમાં તેલ લો. તેમાં બટાકા,રીંગણ,કેપ્સીકમ અને ફ્લાવર તળી લો. ત્યારબાદ ડુંગળીને બ્રાઉન કલરની થાય ત્યાં સુધી તળી લો.

ત્યાર બાદ એક પેનમાં તેલ મૂકો. તેમાં બધા ખડા મસાલા ઉમેરો. પછી તેમાં તૈયાર કરેલી ટમેટા અને ડુંગળીની પેસ્ટ અને આદુ-મરચા-લસણની પેસ્ટ ઉમેરી બરાબર સાંતળી લો. ત્યારબાદ તેમાં તળેલા શાકભાજી ઉમેરો.

ત્યારબાદ તેમાં તૈયાર કરેલી કાજુ, મગજ તરી, અને ખસખસની પેસ્ટ ઉમેરો.હવે તેમાં લાલ મરચું, હળદર,ધાણાજીરુ, બિરયાની મસાલો ઉમેરો અને બરાબર સાંતળી લો. ત્યાર બાદ તેમાં દહીં ઉમેરો હવે તેલ છૂટું પડે ત્યાં સુધી તેને સાંતળો. ત્યારબાદ તેમાં સ્વાદાનુસાર મીઠું ઉમેરો.

હવે એક બાઉલમાં ભાત નો લેયર કરો. પછી તેમાં તૈયાર કરેલી પેસ્ટ ઉમેરો ફરીથી ભાતનું લેયર કરો. ફરીથી પેસ્ટ ઉમેરો. ત્યારબાદ તેની ઉપર કેસરવાળું દૂધ ઉમેરી ઉપર તળેલી ડુંગળી ઉમેરો.હવે ગેસ ઉપર તવી મૂકી તૈયાર કરેલા બાઉલને ઢાંકીને પાંચ મિનિટ માટે ધીમા તાપે થવા દો. આપણી વેજ બિરયાની તૈયાર છે. તેને એક પ્લેટમાં લઈ સર્વ કરો.