અડદિયા ના લોટ ને ધાબો દેવા માટે દૂધ અને ઘી થોડું ગરમ કરી લોટ માં નાખતું અને હાથ વડે બધા લોટ માં સરસ થી મિક્સ કરી ધાબો દેવો.

ધાબો દીધેલ લોટને ચાળી લેવો.

પછી ગૂંદ ને ઘી માં તળી લેવો.

પછી તેજ વાસણ માં બીજૂ ઘી ઉમેરી અને તેમાં લોટ નાખી ને ૩૦ મિનિટ સુધી ગોલ્ડન બ્રાઉન થાય અને સુગંધ આવે ત્યાં સુધી લોટ ને શેકી લેવો. બધું ઘી એક સાથે ઉમેરવું નહીં થોડો લોટ શેકાઈ પછી બાકી નું ઘી ઉમેરવું.

લોટ શેકાઈ ત્યાં સુધીમાં ખાંડ ને મિક્સરમાં પીસી લેવી.

લોટ શેકાઈ જાય પછી ગેસ બંધ કરી તેમાં બૂરું ખાંડ ઉમેરી અને મિક્સ કરી લેવી અને પછી તેમાં અડદીયા નો મસાલો, ઈલાયચી પાઉડર, સૂંઠ પાઉડર અને ડાયફૂટસ ની કતરણ બધું નાખી અને મિક્સ કરી લેવું.

પછી અડદિયા ને ઘી થી ગ્રીસ કરેલી થાળીમાં પાથરી દેવું અને તવેતા ની મદદથી બરાબર લેવલ કરી તેમાં ડાયફૂટસ ની કતરણ ઉપર થી ગાર્નિશ માટે નાખી ને સેટ કરી લેવું. પછી અડદિયા ને ૫-૬ કલાક સેટ કરવા મૂકી દેવું.

સેટ થઇ જાય પછી તેમાં કાપા પાડી લેવા. હવે તૈયાર છે શિયાળા સ્પેશિયલ હેલ્ધી અડદિયા.