સૌપ્રથમ આંબળા ને ધોઈ, લૂછી અને ખમણી થી છીણી લો.

બીટ ને ધોઈ,સાફ કરી,ઉપર - નીચે થી કાપી અને છોલી ને ખમણી થી છીણી લો.

મરી,અજમો,સંચળ પાઉડર, સૂંઠ પાઉડર, મીઠું...મિક્ષચર જાર માં પીસી લો ને અલગ નાના બાઉલમાં કાઢી લો.

હવે,એક પહોળા વાસણમાં છીણેલ આંબળા અને છીણેલ બીટ ને લો,ને ચમચી ની મદદથી મિક્સ કરી લો.

પછી તેમાં થોડી થોડી દળેલી સાકર ઉમેરી ને સરસ મિક્ષ કરો,બનાવી ને બાઉલમાં કાઢેલ મસાલો(મરી,અજમો,સૂંઠ, મીઠું, સંચળ) ને પણ ઉમેરી ને સરસ મિક્ષ કરી લો.

મિક્ષચર જાર માં આ બધું જ આંબળા - બીટ ના મિશ્રણ ને ઠાલવી ને પીસી લો.

અલગ અલગ થાળી માં આ મિશ્રણ ને ઠાલવી ને પાથરી દો ને સુતરાઉ કાપડ થાળી પર લગાવી ને સૂર્યપ્રકાશ માં રાખો, ૪ થી ૫ દિવસ સુધી સૂર્ય પ્રકાશ માં રાખો.

રોજ થાળી ચેક કરવી ને ચમચી થી ઉપર નીચે કરી તાપ માં મૂકવી.

૪ થી ૫ દિવસ પછી મિશ્રણ માં થી ગોળી વાળી જોવી,પાણી નો ભાગ હોય તો ગોળી નહીં વળે..પાછું કપડું ઢાંકી એકાદ દિવસ તાપ માં રાખવું.

હવે મિશ્રણ માં થી એકસરખા માપ ની નાની - નાની ગોળી વાળી ને બાઉલમાં અલગ થી રાખેલ દળેલી સાકર માં રગદોળી ને પ્લેટમાં માં રાખો.

મિશ્રણ માં થી બધી જ ગોળી બનાવી, સાકર માં રગદોળી ને સર્વિગ બાઉલમાં કાઢી લો...

તો તૈયાર છે ચટપટા સ્વાદ વાળા "આંબળા - બીટ ના ગટાગટ".

કાચ ની બરણી માં ભરી રાખો ને પછી....ગટાગટ ખાવ ને....ખવરાવો....