સૌ પ્રથમ ચોખા અને દાલ ને ધોઈ ને ૪-૫ કલાક માટે પલાળી દો. પલાળેલા દાળ ચોખા માંથી બધું પાણી કાઢી ને ત્યાર બાદ તેને મિક્સર માં દહીં,ધોયેલા પૌંઆ અને જરૂર મુજબ પાણી નાખી ને થોડું કકરું પીસી લો.તેને ઢાંકી ને ૬-૭ કલાક માટે આથો આવવા માટે મૂકી દો.

હવે આથો આવેલા ખીરા માંથી થોડું ખીરું એક બાઉલ માં લઇ લો.ત્યાર બાદ મીઠું,૧ ટી સ્પૂન તેલ અને ૧/૪ ટી સ્પૂન ઇનો નાખી ને મિક્સ કરી લો.

હવે ગેસ ઉપર એક સ્ટીમર ગરમ કરવા મૂકો.ત્યાર બાદ એક પ્લેટ ને તેલ લગાવી ને તેમાં ખીરું રેડો અને તેને સ્ટીમર માં મુકી ને ઉપર થોડું લાલ મરચું છાંટી લો અને ઢાંકી ને ૧૦ મિનિટ માટે થવા દો. તૈયાર થયેલા ઈદડા ને થોડા ઠંડા થાય પછી કાપા પાડી લો.હવે તેને એક પ્લેટ મા લઈ ને સર્વ કરો.

તો તૈયાર છે ઈદડા.મે તેને રાજકોટ ની ચટણી અને લસણ ની ચટણી સાથે સર્વ કર્યા છે.

નોંધ : મે અહી તેનો વઘાર કર્યો નથી જો કરવો હોય તો તેલ,રાઈ,હિંગ અને લીમડો નાખી ને કરી શકાય.