સૌ પ્રથમ બધા લોટ ને ચાળી લેવા. લસણ,મરચા,જીરું,અજમો,સૂકા ધાણા,લીમડો ને અધકચરા ક્રશ કરી લેવા.

લોટ માં પૌવા પલાળી ને ઉમેરી દેવા.તૈયાર કરેલો લીલો મસાલો,સુકો મસાલો,મેથી અને કોથમીર ધોઈ ને,દુધી ખમણી ને,ડુંગળી બારીક સમારી ને ઉમેરી દેવું.1 ચમચી તલ ઉમેરી દેવા.

બધું મિક્સ કરી પાણી થી નરમ લોટ બાંધી લેવો.પાટલા પર ભીનું કોટન નું કપડું રાખી તેના પર તલ સ્પ્રેડ કરવા.લોટ માંથી મોટો લુવો લઇ ભીના કપડાં પર હાથે થી થેપિ લેવું.ડાયરેક્ટ તવી પર ફાવે તો વધુ સારું.

થેપવા માં વચ્ચે પાણી વાળો હાથ કરતું જવું.ભાખરી જેવું જાડું રાખવું.તવી ને તેલ થી ગ્રીસ કરી, ગેસ પર રાખી તેમાં કપડાં વડે તૈયાર કરેલી થાળીપીઠ ઉથલાવી દેવી.અને વચ્ચે ગોળ કાણા પાડવા.જેથી કાચું ન રહે.

ગેસ ની આંચ મધ્યમ રાખવી. કાણા માં ઘી ઉમેરી દેવું.જેથી નીચે મસ્ત શેકાય જાય. ઉપર ઢાકન ઢાંકી ને 2 મિનિટ રાખવું.આવી રીતે બંને બાજુ શેકી લેવું.

તો તૈયાર છે સ્વાદિષ્ટ અને હેલધિ થાલીપીઠ.જે નાસ્તામાં કે ડિનર માં લઈ શકાય. મે આ ડીશ ને ઘી, લીલા મરચાના ઠેચા,દહીં અને મેથીયાં મસાલા,ડુંગળી સાથે સર્વ કર્યું છે.

ગરમ થાલીપીઠ માં ઉપર ઘી લગાવી ને પણ સરસ લાગે છે.