સૌ પ્રથમ પાલક ના પાન ને ચૂંટી ને ધોઈ લેવા.ડુંગળી અને લસણ ને ઝીણા સમારી લેવા.

એક નોનસ્ટિક પેનમાં બટર લઈ ગેસ ચાલુ કરી સુંગંધ આવે ત્યાં સુધી સાંતળવું હવે તેમાં ઝીણા સમારેલા ડુંગળી અને લસણ ઉમેરી ગોલ્ડન બ્રાઉન થાય ત્યાં સુધી સાંતળવું.

ગેસ ની આંચ ધીમી રાખી પાલકના પાન ઉમેરી ૧ મિનિટ સાંતળવા ગેસ બંધ કરી તેને ઠંડુ થવા દો.તેમાંથી તમાલપત્ર કાઢી લેવું.

મિક્સર જારમાં માં લઇ પાણી ઉમેરી ક્રશ કરી પ્યુરી બનાવી લેવી.પ્યુરી ને નોનસ્ટિક પેન માં લઈ ગેસ ચાલુ કરી તેમાં દૂધ ઉમેરી તેમાં મીઠું ઉમેરી હલાવી લેવું.

સૂપ ને ઉકળવા દઈ મરી પાવડર,ખાંડ અને કોર્નફ્લોર પાણી માં ઓગાળેલો ઉમેરી સતત હલાવતા રહો.સૂપ થોડો જાડો થઈ જાય એટલે ગેસ બંધ કરવો.

સરવિંગ બાઉલ માં કાઢી ઉપર ફ્રેશ ક્રીમ થી ગાર્નિશ કરી ગરમ ગરમ સર્વ કરવો. તો તૈયાર છે ક્રીમી અને હેલ્થી પાલક સૂપ.