સૌ પ્રથમ અડદ દાળ,મગ દાળ અને ચોખા ને બે થી ત્રણ પાણી થી ધોઈ ને ૪ થી ૫ કલાક માટે પલાળી દો.ત્યાર બાદ તેમાંથી બધું પાણી નીતારી લો.

હવે એક મિક્સર જાર મા પલાળેલા દાળ ચોખા,લીલા મરચાં,જીરું અને આદુ નાખી ને કરકરુ પીસી લો. જો જરૂર લાગે તો પીસવા મા ૩-૪ ચમચી પાણી ઉમેરવું.ત્યાર બાદ તેને ઢાંકી ને ૫-૬ કલાક માટે ઢાંકી ને એક બાજુ રાખી દો.

હવે જ્યારે વડા ઉતારવા હોય ત્યારે ઢાંકેલા મિશ્રણ મા હિંગ,મરી અને સ્વાદ પ્રમાણે મીઠું નાખી ને બધું બરાબર હલાવી લો.હવે તેને હાથેથી એક જ ડીરેક્શન માં ફીણો.તેને ૫ થી ૧૦ મિનિટ માટે ફીણશો એટલે દાળ નું મિશ્રણ ફલપી બની જશે અને વડા એકદમ સોફ્ટ બનશે.

હવે એક કડાઈમાં તેલ ગરમ કરી લો.ત્યાર બાદ મેદુવડા ના મશીન મા મિશ્રણ ભરી ને વડા સીધા તેલ મા જ પાડી લો.તે થોડા ક્રિસ્પી થાય એટલે તેલ માંથી કાઢી લો.આવી રીતે બધા વડા બનાવી લો.