સૌ પ્રથમ બાફેલા બટાકા ને મેશ કરી તેમાં જીરું પાઉડર અને મીઠું નાખી મિકસ કરો. હવે એક મોટા બાઉલમાં મેંદો, રવો અને ઘઉં નો જીણો લોટ ઉમેરી તેમાં મુઠ્ઠી પડે એટલું ઘી ઉમેરી મસળી ને બરાબર લોટ મિક્સ કરી લો.

હવે આમાં નમક અને અધકચરા ખાંડેલા કાળા મરી ઉમેરી બરાબર મિક્સ કરી લો. અને હાથ થી લોટ ને મુઠ્ઠી બનાવી જોવું.

ત્યાર બાદ આમાં પાણી થોડું થોડું ઉમેરતા જઈ થોડો મીડિયમ લોટ બાંધી લો. અને આ લોટ ને ઢાંકણ ઢાંકી ને 10 મિનિટ માટે ઢાંકી ને રેસ્ટ આપો. ત્યારબાદ રેસ્ટ બાદ ફરીથી લોટ ને એક મિનિટ માટે મસળી લો ને તેના મોટા લુવા કરી લો.

હવે આ લુવા માંથી મોટી મીડિયમ સાઇઝ ની રોટલી વણી તેમાં ફોરક થી કાણા પાડી દો ને ગોળ કટરથી નાની નાની પૂરી કટ કરી લો. આ રીતે બધી પાપડી બનાવી લો.

હવે એક પેન મા મીડિયમ ગેસ ની આંચ પર તેલ ગરમ કરી તેમાં પાપડી ની પૂરી ઉમેરી સ્લો ટુ મીડિયમ ગેસ ની આંચ પર ગોલ્ડન કલર આવે ત્યાં સુધી તળી લો. આ રીતે બધી પાપડી તળી લો.

હવે આ પાપડી ચાટ ને એસ્સેમ્બ્લ કરીશું. એની માટે એક સરવિંગ પ્લેટ માં પાપડી ગોઠવી તેની પર બોઇલ્ડ બટાકાના ટુકડા, જીના સમારેલા લીલાં મરચાં, જીની સમારેલી ડુંગળી અને જીના સમારેલા ટામેટા ઉમેરો.

હવે ઉપર ગળ્યું દહીં, ફુદીના કોથમીર ની લીલી ચટણી, ખજૂર આમલીની ચટણી, ચાટ મસાલો, લાલ મરચું પાવડર, સંચળ પાવડર, રોસ્ટેડ જીરા પાવડર, મસાલા શીંગ, મસાલા બુંદી, નાયલોન જીની સેવ, દાડમ ના દાણા અને જીની સમારેલી લીલી કોથમીર ના પાન ઉમેરી સર્વ કરો.

હવે આપણી એકદમ ચટાકેદાર રેકડી પર મળે એવી સ્ટ્રીટ ફૂડ પાપડી ચાટ તૈયાર છે.