દાળ ફ્રાય માટે સૌથી પહેલા બન્ને દાળને ધોઈ કૂકરમાં સાત થી આઠ સીટી વગાડી અને બાફી લેવી.

દાળ ફ્રાય ના વઘાર માટે તેલ મૂકી તેલ ગરમ થાય એટલે જીરુ મૂકી તેમાં, તજ, લવિંગ, લાલ મરચું, આદુ-લસણ-મરચાંની પેસ્ટ અને ઝીણી સમારેલી ડુંગળી ઉમેરીને વઘાર કરવો.

ત્યારબાદ તેમાં બાફેલી દાળ ઉમેરી બધો મસાલો કરી અને દાળને પંદરથી વીસ મિનિટ ઊકળવા દેવી. હવે તૈયાર છે દાળ ફ્રાય.

જીરા રાઈસ માટે એક પેનમાં ઘી અને જીરું મૂકી વઘાર કરવો. પછી તેમાં બાસમતી ચોખાને ધોઈ અને ઉમેરી દેવા અને સાથે તેમાં લીલા વટાણા અને કાજુ પણ ઉમેરી દેવા. 10 થી 15 મિનિટમાં જીરા રાઈસ તૈયાર થઈ જશે.

હવે તૈયાર છે દાળ ફ્રાય અને જીરા રાઈસ જીરા રાઈસ ને ઉપરથી કાજુ અને કોથમીર ઉમેરી અને ગાર્નિશ કરવા અને દાળ ફ્રાય માં કોથમીર ઉમેરી દેવી. પછી તેને પાપડ અને બટેટાનું શાક સાથે સર્વ કરવું.