સૌપ્રથમ સરગવાની શીંગ ને ધોઈ, છોલી અને કટકા કરી લેવા. એક તપેલીમાં ત્રણ ગ્લાસ પાણી ગરમ કરો. પાણી ઉકળે એટલે તેમાં આ શીંગ બાફી લો. બફાઈ જાય એટલે એક ચારણીમાં કાઢી અને પાણી નિતારી લો.

હવે દહીં માં ૨,૧/૨ કપ પાણી, ચણાનો લોટ તથા મીઠું નાખી બ્લેન્ડર ફેરવી લો. એક પેનમાં તેલ ગરમ કરો તેલ ગરમ થાય એટલે જીરુ, સૂકા મરચાં, હીંગનો વઘાર આપો અને બાફેલી શીંગ નાખી મિક્સ કરો. બ્લેન્ડરમાં ફેરવેલ દહીંને તેમાં એડ કરો. ઉકળે એટલે ગેસ ધીમો કરી દેવો. હવે તેમાં તમામ મસાલા,આદુ- મરચાંની પેસ્ટ નાખી દેવા.સાત થી આઠ મિનિટ સુધી ધીમા તાપે ઊકળવા દેવું. ત્યારબાદ લીલા ધાણા નાખી મિક્સ કરી ગેસ ઓફ કરી દેવો.