સૌ પ્રથમ એક બાઉલ માં કોર્ન ફ્લોર અને પાણી નાખી ને મિશ્રણ તૈયાર કરો.હવે એક કડાઈમાં ખાંડ અને પાણી નાખી ને ખાંડ ઓગળે ત્યાં સુધી ઉકાળી લો.ખાંડ વાળું પાણી ઉકળે એટલે તેમાં કોર્ન ફ્લોર વાળું મિશ્રણ ઉમેરો.હવે તેને સતત હલાવતા રહો.

મિશ્રણ થોડુ ઘટ્ટ અને ટ્રાન્સપરંટ થાય એટલે તેમાં ઓરેન્જ ઈમલજન ઉમેરો.ત્યાર બાદ તેમાં એક એક ચમચી ઘી નાખતા જવું ને હલાવતા જવું.ત્યાર બાદ તેમાં મગજતરી ના બી નાખી ને મિશ્રણ કડાઈ છોડવા લાગે ને બધું એકદમ ભેગુ થાય ત્યાં સુધી હલાવી લો.હવે તેને એક ગ્રીસ કરેલા મોલ્ડ માં પાથરી લો.

વ્હાઇટ કલર માટે બીજી એક કડાઈમાં ખાંડ અને પાણી ઉકાળી લો ત્યાર બાદ તેમાં કોર્ન ફ્લોર વાળું મિશ્રણ ઉમેરો.મિશ્રણ થોડુ ઘટ્ટ થાય એટલે તેમાં વેનિલા એસેન્સ ઉમેરો.

ત્યારબાદ તેમાં એક એક ટી સ્પૂન ઘી ઉમેરતા જાવ.હવે તેમાં મિક્સ ડ્રાય ફ્રુટ ઉમેરો.મિશ્રણ થોડુ વધારે ઘટ્ટ થાય અને કડાઈ છોડવા લાગે એટલે ગેસ બંધ કરી લો.ત્યાર બાદ આ મિશ્રણ ને ઓરેન્જ હલવા ઉપર પાથરી દો.

હવે ગ્રીન કલર માટે કડાઈ માં ખાંડ અને પાણી ઉકાળી લો.ત્યાર બાદ તેમાં પણ કોર્ન ફ્લોર વાળું મિશ્રણ ઉમેરો.હવે મિશ્રણ થોડું ઘટ્ટ થાય એટલે તેમાં ઘી ઉમેરો.

ત્યાર બાદ તેમાં ગ્રીન કલર, મિક્સ ડ્રાય ફ્રુટ અને મગજતરી ના બી પણ ઉમેરો.ધીમે ધીમે મિશ્રણ ઘટ્ટ થાય અને કડાઈ છોડવા લાગે એટલે ગેસ બંધ કરી લો.

તો તૈયાર છે દેશ આઝાદી ના અમૃત મહોત્સવ નિમિત્તે બનાવેલી બોમ્બે નો પ્રખ્યાત કરાંચી હલવો