સૌ પ્રથમ એક બાઉલ માં ચણા લોટ ચાળી લો.તેમાં સોડા ઉમેરો.હવે તેમાં જરૂર મુજબ પાણી ઉમેરી ને બેટર તૈયાર કરો.

હવે એક કડાઈમાં ઘી ગરમ કરો.ત્યાર બાદ તેમાં એક ખમણી થોડી ઉંચી રાખી ને તેમાં બનાવેલું બેટર ધીમે ધીમે રેડો એટલે તેમાં થી મીડી યમ સાઇઝ ની બૂંદી તૈયાર થશે.તે તળાઈ જાઈ એટલે એક પ્લેટ મા લઈ લો. આ રીતે બધી બૂંદી તૈયાર કરી લો.

હવે એક પેનમાં ખાંડ અને પાણી લઈ ને તેની ચિકાસ પડતી ચાસણી કરવી.ચાસણી મા કોઈ તાર નથી બનાવવા નો.તેમાં કેસર ના તાંતણા અને ૨-૩ ડ્રોપ ફૂડ કલર ઉમેરો અને હલાવી લો.હવે ગેસ ની ફ્લેમ બંધ કરી દો.

હવે બનાવેલી બુંદી ને મિક્સર ના જાર મા નાખી ને ઊંધો આટો ફેરવો જેથી બધી બુંદી થોડી ક્રશ થઈ ને ઝીણા મોતી જેવું બની જાય.આ પ્રોસેસ મોતીચૂર ના લાડુ માટે નો જારો ન હોય તો જ કરવાની.

હવે તેમાં ડ્રાય ફ્રુટ ઉમેરો.ત્યાર બાદ આ મિશ્રણ ને બનાવેલી ચાસણી મા ઉમેરો.જો ચાસણી ઠરી ગઈ હોય તો થોડી સતપ કરી લેવી.મિશ્રણ ચાસણી મા નાખ્યા પછી ૨૫-૩૦ મિનિટ માટે ઢાંકી ને રાખી મૂકવું જેથી નાખેલી બુંદી નું મિશ્રણ ચાસણી સોસી લે.

તો તૈયાર છે ટેસ્ટી અને મીઠાઈ ની દુકાને મળે તેવા જ મોતીચૂર ના લાડુ.