સૌ પ્રથમ પૌવા ને ચાળી ને ડ્રાય રોસ્ટ કરી લેવા. ફકત 2-3 મિનિટ માં જ શેકાઈ જશે.તેને ઉતારી ઠંડા થવા દેવા.

ત્યારબાદ તેને મિક્સર જારમાં ઇલાયચી ના દાણા ઉમેરી બારીક પીસી લેવું.ડ્રાયફ્રુટ ને ઘી માં શેકી લીધા છે.

હવે પેન માં ઘી ગરમ કરી તેમાં દૂધ,મિલ્ક પાઉડર અને દળેલી ખાંડ ઉમેરી મિક્સ કરો.મિશ્રણ 2 મિનિટ ગરમ થાય ત્યાં સુધી સતત હલાવતા રહો.

હવે આ દૂધ ના મિશ્રણ માં પૌંઆ નો પાઉડર અને ડ્રાયફ્રુટ ઉમેરી મિક્સ કરી લો.પૌંઆ 1 જ મિનિટ માં દૂધ ને શોષી લેશે.હવે તેમાં 2 ચમચી મલાઈ ઉમેરી મિક્સ કરો.આ બધી પ્રોસેસ ઝડપ થી કરવાની છે.પૌંઆ માં લમ્સ ન રહે તેની કાળજી રાખવી.મિશ્રણ નરમ રહે તે રીતે ઉતારી લો.

પૌંઆ ના મિશ્રણ માં થી ગરમ હોય ત્યારે જ થોડું હાથે થી મસળી ને, બીબા માં ઘી લગાડી મોદક બનાવી લેવા.

તૈયાર છે એકદમ સરળ અને ઝડપથી બની જાય એવા પૌંઆ ના મોદક.તેને ગુલાબ ની પાંખડી અને પિસ્તા ની કતરણ થી ગાર્નિશ કરો.