એક પેનમાં ઘી અને તેલ લઈ ગરમ કરવા મુકો ગરમ થાય એટલે તેમાં તમાલપત્ર તજ લવિંગ મરી અને જીરું સાંતળી ડુંગળી નાખો થોડી સોફ્ટ થાય એટલે તેમાં આદુ-મરચા આદુ લસણની પેસ્ટ સાંતળી ટામેટાં નાખો.

હવે ટામેટા સોફ્ટ થાય એટલે તેમાં મીઠું, મરચું, ધાણાજીરું પાઉડર નાખી બે મિનિટ માટે શેકવુ અને પછી ગેસ બંધ કરી ઠંડુ થવા દેવું.

દૂધીને છીણી ની મદદ થી છીણી લેવી 15 મિનિટ રાખી તેમાંથી પાણી અલગ કાઢી લેવી અને આદુ લસણ મરચાની પેસ્ટ બનાવી લેવી

15 મિનિટ બાદ તેમાં આદુ-લસણ-મરચાની પેસ્ટ, ચણાનો લોટ, ઝીણો રવો અને મીઠું એડ કરી બરાબર મિક્સ કરી બેટર તૈયાર કરી લેવું.

હવે કડાઈમાં તેલ ગરમ કરવા મૂકી તેલ ગરમ થાય એટલે મીડીયમ ફ્લેમ પર કોફતા બ્રાઉન રંગના તળી લેવા.

હવે પેસ્ટ માટેનું મિશ્રણ ઠંડું પડી ગયું હશે ત્યારે તેમાંથી તમાલપત્ર, તજ,એલચો કાઢી અને મિક્સર જારમાં લઈ ક્રશ કરી સ્મુથ પેસ્ટ તૈયાર કરી લેવી. તેમજ મગજતરીના બી અને કાજુને 1/2 કલાક પહેલા પલાળી સ્મુથ પેસ્ટ બનાવી લેવી.

હવે એક પેનમાં ઘી મૂકી તેમાં બનાવેલી ડુંગળી ટમેટાની પેસ્ટ નાખી પાંચ મિનિટ માટે ઉકાળવા દેવી. ત્યારબાદ તેમાં કાજુ અને મગજતરીના બી ની પેસ્ટ એડ કરી બરાબર મિક્સ કરવી. જરૂર મુજબ પાણી એડ કરી ઉકળવા દેવું.

તેલ છૂટું પડે એટલે તેમાં ગરમ મસાલો કસૂરી મેથી એડ કરી બરાબર મિક્સ કરી બે મિનિટ બાદ ક્રીમ નાખી ગેસ બંધ કરી દેવો.

હવે સર્વિંગ પ્લેટમાં કોફતા લઈ તેના પર બનાવેલ કરી મૂકો. ક્રીમ થી ગાર્નીશ કરો.

તો તૈયાર છે કોફતા કરી. પરોઠા, પાપડ અને લસ્સી સાથે ગરમ ગરમ કોફતા કરીને સર્વ કરો અને મજા માણો.