સૌપ્રથમ ચણાની દાળને 30 મિનિટ માટે પાણીમાં પલાળી રાખવી. હવે તુરીયા ને ધોઈ છોલી અને કટ કરી લેવા એક મોટી તપેલીમાં ત્રણ ગ્લાસ પાણી ઉકળવા મૂકો. પાણી ઉકળે એટલે તેમાં ચપટી હળદર નાખી અને તુરીયા બાફી લેવા.

તુરીયા બફાઈ જાય એટલે તેને એક કાણાવાળા વાસણમાં કાઢી લેવા. હવે એક તપેલીમાં બે કપ પાણી ઉકળવા મૂકો તેમાં ચપટી હળદર નાખી અને ચણાની દાળ બાફી લો. દાળ બફાઈ જાય એટલે તેને પણ એક કાણાવાળા વાસણમાં કાઢી પાણી નિતારી લેવું.

હવે ટામેટા, મરચા, લસણ આદુની પેસ્ટ બનાવી લેવી. એક પેનમાં તેલ ગરમ કરો.તેલ ગરમ થાય એટલે તેમાં જીરું અને હિંગનો વઘાર આપી આ પેસ્ટ એડ કરો.

ધીમા તાપે આ પેસ્ટને સાંતળો. તેમાંથી તેલ છૂટું પડવા આવે એટલે શેકેલ શીંગદાણા નો ભૂકો તથા એક ટીસ્પૂન ચણાનો લોટ એડ કરો અને મિક્સ કરો. ત્યારબાદ તેમાં તમામ સૂકા મસાલા તથા મીઠું એડ કરો અને મિક્સ કરો.

હવે આ તૈયાર થયેલ ગ્રેવીમાં ઘી નાખી અને મિક્સ કરી લો. હવે તેમાં બાફેલ તુરીયા તથા ચણાની દાળ એડ કરો.

બધું જ મિક્સ કરી અને તેમાં એક કપ ગરમ પાણી નાખો. ગેસની મીડીયમ ફ્લેમ પર ઢાંકી અને પાંચથી સાત મિનિટ માટે કૂક કરો. ત્યારબાદ તેની ઉપર લીલા ધાણા છાંટી દેવા ગેસ ઓફ કરી દેવો. તૈયાર છે તુરીયા ચણાદાળનું શાક.