સૌ પ્રથમ એક કડાઈમાં તેલ ગરમ કરો.તેલ ગરમ થાય એટલે તેમાં સમારેલી ડુંગળી અને લસણ ને વઘારો.ત્યાર બાદ તેમાં પલાળેલી મગ ની દાળ અને મીઠું નાખો.થોડું પાણી નાખી ને બધું બરાબર હલાવી ને મગ દાળ અધકચરી ચડાવી લો.

મગ દાળ અધકચરી ચડે એટલે તેમાં પાલક ને ધોઈ ને ઉમેરી લો.ત્યાર બાદ તેમાં બધા મસાલા કરી લો.જરૂર મુજબ પાણી ઉમેરી ને બધું મિક્સ કરી લો.૩ થી ૪ મિનિટ પછી પાલક બરાબર ચડી જાય અને બધું એકરસ થઈ જાય એટલે તેમાં લીંબુ નો રસ ઉમેરી ને તેને ગેસ પરથી નીચે ઉતારી લો.હવે તેને એક બાઉલ માં કાઢી લો.

હવે તેનો ઉપર થી વઘાર કરવા માટે એક વઘારીયા માં તેલ ગરમ કરો.ત્યાર બાદ તેમાં સમારેલું લસણ,આખું લાલ મરચું અને હિંગ નાખો.આ વઘાર ને બાઉલ મા કાઢેલી સબ્જી ઉપર રેડો..ઉપર થોડી કોથમીર નાખી ને સર્વ કરો.