સૌપ્રથમ અડદ ચણાની દાળને બે ત્રણ પાણીથી ધોઈ અને પ્રેશર કુકરમાં બાફી લેવી. એક પેનમાં ઘી અને તેલ ગરમ કરવા મૂકવું ગરમ થાય એટલે તેમાં જીરું હિંગ નાખી તતડાવી લેવું.

ત્યારબાદ તેમાં જીણુ સમારેલુ લસણ નાખી સાંતળી હળદર નાખી દેવી.

ત્યારબાદ તેમાં સમારેલા ટામેટાં લીલા મરચાના ટુકડા અને ખમણેલું આદુ નાખી દેવું સાથે એક સૂકું મરચું પણ નાખી દેવુ. હવે તેમાં મીઠું, લાલ મરચું પાઉડર અને ધાણાજીરું નાખી ટમેટાને થોડીવાર માટે ચડવા દેવા.

ત્યારબાદ તેમાં બાફેલી અડદ ચણાની દાળ નાખી મિક્સ કરી લેવું જરૂર મુજબ પાણી એડ કરવું અને દાળને આઠથી દસ મિનિટ સુધી ઉકળવા દેવી દાળ ઉકળી જાય એટલે છેલ્લે તેમાં શેકેલા જીરું નો ભૂકો નાખી મિક્સ કરી અને ઢાંકી દેવી.
નોંધ : દાળ ને બાફતી વખતે તેમા મીઠું અને થોડી હળદર નાખી દેવી.

કોથમીર નાખી ગાર્નિશ કરી ગરમ ગરમ દાળ સર્વ કરવી.
તો તૈયાર છે
અડદ ચણાની દાળ