ઢોકળા ના ખીરા ની અંદર સ્વાદ મુજબ મીઠું ઉમેરી તેને બરાબર હલાવીને રાખવો હવે લસણની કળીઓ વાટીને તેની અંદર લાલ મરચું સરસ પેસ્ટ તૈયાર કરી લેવી

સ્ટીમ કરવા માટે સ્ટીમર ગરમ મૂકી દેવું હવે ઢોકળા નું થોડું ખીરું લઈ તેની અંદર થોડો ઇનો ઉમેરી બરાબર હલાવીને ખીરું થાળીમાં પાથરી બે થી ત્રણ મિનિટ માટે સ્ટીમ થવા મૂકો હવે બનાવેલી ગાર્લિક પેસ્ટ ની અંદર થોડું ખીરું ઉમેરી તેને બરાબર હલાવી લેવું

તેની અંદર થોડો ઇનો ઉમેરવો હવે આ મિશ્રણને સ્ટીમરમાં રહેલી થાળી પર બીજું લેયર કરવું ત્યારબાદ તેને ઢાંકી દેવું ફરીથી એક બે મિનિટ બાદ ઢોકળા નુ ખીરુ લઈ ગાર્લિક વાળું લેયર છે તેની પર પાથરી દેવું અને ફરીથી સ્ટીમ થવા દેવું

થોડીવાર બાદ તેને ચેક કરી લેવું ત્યારબાદ આ રીતે બધા ઢોકળા તૈયાર કરી લેવા પછી તે ઠંડા થયા બાદ તેને કટ કરી વઘારીયામાં તેલ ગરમ મૂકી તેની અંદર રાઈ અને તલ ઉમેરી તૈયાર કરેલો વઘાર ગાર્લિક સેન્ડવીચ ઢોકળા ઉપર રેડી દેવો