प्रथम एका बाउलमध्ये नारळाचा चव,कोथिंबीर, मीठ, हिरवी मिरची पेस्ट सर्व मिक्स करून घेतले.

ऐका पॅन मध्ये ताक व पाणी एकत्र करून त्यात बेसन, मैदा घालून कालवून घेतले. त्यात चवीप्रमाणे तिखट, मीठ, हळद घातली व पीठ शिजविण्यास ठेवले. एक सारखे हलवत राहावे लागते नाहीतर गुठळ्या होतात.

पीठ चांगले शिजल्यावर मंद आचेवर झाकण ठेवून चांगली वाफ आणली. तोपर्यंत एकीकडे तेल व हिंग यांची फोडणी करुन घेतली.

आता ताट पालथे घालून त्यावर वरील मिश्रणातील थोडे मीश्रण घालून एकदम पातळ पसरवून घेतले. अशी सर्व ताट करून घेतली. (हे मिश्रण गरम असतानाच पसरविले गेले म्हणजे सुरळीच्या वड्या एकदम पातळ होतात).त्यावर फोडणी घालून पसरवून घेतली. व वरून नारळ, कोथिंबीर, हिरवी मिरची पेस्ट यांचे मिश्रण पसरवले.

आता ताटावर पीझ्झा कटरने पट्टया कट केल्या.व त्यांची गुंडाळी करून घेतली.अशाप्रकारे टेस्टी सुरळीच्या वड्या तयार.