सर्व साहित्य एकत्र घेणे मोहन घालण्यासाठी तूप गरम करून घेणे. मैदा आणि डाळीचे पीठ दोन्हीही चाळून घेणे

त्यात वितळलेल्या तुपाचे एक वाटी मोहन घालावे. पुरीसाठी भिजवतो त्याप्रमाणे बालुशाही चे पीठ घट्ट भिजवून घ्यावे वरील पीठाचा गोळा एक तास झाकून ठेवून द्यावे.एक तासाने गोळा परत एकदा चांगला मळून घ्यावा आणि त्याचे छोटे छोटे पेढ्याच्या आकाराचे गोळे तयार करून घ्यावे.

दोन्ही हाताने दाबून जरा चपट्या कराव्या त्या गोळ्यांच्या मधोमध बोटाने थोडेसे दाबून घ्यावे. असे केल्याने बालुशाही आतपर्यंत व्यवस्थित तळली जाते कच्ची राहत नाही. साखरेचा पाक तयार करून घ्यायचा.

साखर भिजेल इतपतच पाणी घालून त्याचा दोन तारी पाक तयार करून घ्यायचा पाकामध्ये केशर सिरप आणि वेलची पूड घालावी नीट मिक्स करून घ्यावे! बालुशाही बनवून झाल्यावर त्यांना तेलात तळून घ्यावेत.

मध्यम आचेवर बालुशाही तळल्याने आतपर्यंत व्यवस्थित तळली जाते बालुशाही नेहमी मध्यम आचेवर बदामी रंगाची होईपर्यंत तळून घ्यावे.

बालुशाही तळल्यानंतर पाक थोडासा गरम करून बालुशाही पाकात ठेवावी.बालुशाही पाकामध्ये अर्धा तास ठेवावे त्यानंतर ती तूप लावलेल्या ताटात काढावी. आपल्या बालुशाही तयार आहे.