सारण करण्यासाठी बटाटे उकडून सोलून किसून घेतले.आलं,लसूण,मिरची जीरे यांची मिक्सर मधून पेस्ट केली.

कढईत तेल,हिंग,हळद आणि आलं लसूण मिरची जीरे यांची पेस्ट घालून छान परतले.त्यात उकडून किसकेले बटाटे,मीठ,कोथिंबीर घालून छान मिक्स केले.

बॅटर साठी चण्याचं पीठ, आलं लसूण मिरची जीरे पेस्ट,मीठ,हळद घेतले. त्यात आवश्यकतेनुसार पाणी घालून बॅटर तयार केले.तळण्याआधी त्यात सोडा घालुन मिक्स केले.

ब्रेड स्लाइस च्या कडा काढून घेतल्या.एक स्लाइस वर तयार सारण लावून घेतले.त्यावर दुसरी स्लाइस ठेऊन दाबून घेतले.

सारण भरलेल्या स्लाइस बॅटर मध्ये घोळवून कढईत तापलेल्या तेलात तळून घेतल्या.

सगळे पकोडे तळून झाले. एकाचे चार भाग करून घेतले..दह्यात साखर घालून मिक्स केले.दोन्ही चटण्या तयार ठेवल्या.शेव, चाट मसाला घेतला.

चार भाग केलेले पकोडे प्लेट मध्ये ठेवले त्यावर तिखट चटणी,गोड चटणी घातली.त्यावर साखर घातलेले दही त्यावर चाट मसाला भुरभुरला.