तांदूळ स्वच्छ धुऊन ठेवणे. कांदा चिरून घेणे. लसणाच्या पाकळ्यांचे तुकडे करून घेणे किंवा ठेचून घेणे.

गॅसवर पॅन तापत ठेवणे. थोडेसे तेल घालून, बेसन घालून थोडासा रंग बदलेपर्यंत भाजून घेणे. एका डिशमध्ये काढून थंड होऊ देणे.

त्याच पॅनमध्ये पुन्हा एक टेबलस्पून तेल घालून घेणे. जीरे,मोहरी,हिंग घालून फोडणी करून घेणे. लसूण,कढीपत्ता,कांदा परतून घेणे. हळद व लाल तिखट घालून व्यवस्थित मिक्स करून घेणे.

धुतलेला तांदूळ घालून व्यवस्थित परतणे. चवीप्रमाणे मीठ घालून घेणे. गरम केलेले पाणी तांदळात घालून घेणे.

झाकण ठेवून भात शिजू देणे. गॅस मध्यम आचेवर ठेवा. साधारण भात शिजत आला, कचकचत असताना, भाजलेले बेसन त्यात थोडे-थोडे घालून मिक्स करणे.

झाकण ठेवून चांगली वाफ काढून घेणे. गॅस मंद आचेवर ठेवून, साधारण पाच मिनिटे वाफवून घेणे. चांगली वाफ बसल्यानंतर गॅस बंद करावा. वरून चिरलेली कोथिंबीर घालून घेणे.