வாழைக்காய் பொடிமாஸ்

வாழைக்காயை இரண்டாக நறுக்கி ஒரு பாத்திரத்தில் தண்ணீர் மூழ்கும் அளவு விட்டு 5 நிமிடம் வரை வேக விடவும்.தோல் உரிக்கும் அளவு வேக விடவும். குழைய கூடாது.

தண்ணீரை வடித்து விட்டு தோல் நீக்கி துருவி கொள்ளவும்

வெங்காயம், பச்சை மிளகாய், இஞ்சி நறுக்கி கொள்ளவும்

கடாயில் எண்ணெய் விட்டு காய்ந்ததும் கடுகு, உளுத்தம்பருப்பு கறிவேப்பிலை தாளித்து கொட்டி வெங்காயம்,பச்சை மிளகாய், இஞ்சி, உப்பு சேர்த்து வதக்கவும்.

வதங்கியதும் துருவிய வாழைக்காய் சேர்த்து நன்றாக வதக்கி இறக்கவும்

எலுமிச்சை சாறு கலந்து விடவும். கொத்தமல்லி தழை தூவி பரிமாறவும்.