வெங்காயம், பூண்டு, இஞ்சி, பச்சை மிளகாய் ஆகியவற்றை மெல்லியதாக நறுக்கிக் கொள்ளவும்.

மைதாவுடன் ஒரு டீஸ்பூன் எண்ணெய், சிறிது உப்பு சேர்த்து பூரி மாவு பதத்திற்கு பிசைந்து மூடி போட்டு அரை மணி நேரம் வைக்கவும்.

கடாயை அடுப்பில் வைத்து எண்ணெய் ஊற்றி சூடானதும் அதில் ஜீரகம் போட்டு தாளித்த பின் நறுக்கிய வெங்காயம், பச்சை மிளகாய், இஞ்சி, பூண்டு மற்றும் உப்பு சேர்த்து நன்றாக வதக்கவும்.

அடுத்து அதில் மிளகாய் தூள் சேர்த்து நறுக்கிய கறிவேப்பிலை தூவி இறக்கவும்.

பிசைந்து வைத்துள்ள மாவை எடுத்து மிக சிறிய அளவு உருண்டைகளாக உருட்டி,மிக மெல்லிய சப்பாத்திகளாக தேய்க்கவும்.பிறகு 4,5 சப்பாத்திகளை ஒன்றன் பின் ஒன்றாக அடுக்கி சூடான தோசை கல்லில் போட்டு உடனடியாக திருப்பி போட்டு எடுக்கவும்.

பிறகு தனித்தனியாக பிரித்து ஒவ்வொன்றையும் பாதியாக வெட்டவும்.

அதை முக்கோண வடிவில் மடித்து உள்ளே வெங்காய மசாலாவை வைத்து ஓரங்களை தண்ணீர் தொட்டு ஒட்டவும்.

கடாய் அடுப்பில் வைத்து பொரிப்பதற்கு தேவையான எண்ணெய் ஊற்றி சூடானதும் சமோசாக்களைப் போட்டு பொன்னிறமாக பொரித்து எடுக்கவும்.

சுவையான மினி சமோசா ரெடி.