இறால் அடைக்கப்பட்டஇட்லி, மீன் குழம்பு, இறால் மசாலா (Iral food Recipe in Tamil

இறால்அடைக்கப்பட்ட இட்லிக்கு: கடாயில் எண்ணெய் விட்டு வெங்காயம் இஞ்சி பூண்டு விழுது வதக்கவும்.

மஞ்சள் தூள் மிளகாய் தூள் பச்சை மிளகாய் சேர்த்து வதக்கி பொடியாக நறுக்கிய இறால் சேர்க்கவும். இறாலை 5 நிமிடம் வதக்கி எலுமிச்சைச் சாறு பிழியவும். மல்லி இலை தூவி இறக்கி தனியே வைக்கவும்.

இட்லி தட்டில் அரை கரண்டி இட்லி மாவை ஊற்றி அதன் நடுவில் இறால் மசாலாவை சிறிது வைத்து அதன் மேல் மீதி மாவை ஊற்றி வேக வைக்கவும். இட்லியை வேக வைத்து எடுக்கவும் இறால்அடைக்கப்பட்ட இட்லி ரெடி.

மீன் குழம்பிற்கு: கடாயில் எண்ணெய் விட்டு வெங்காயம் பூண்டு கறிவேப்பிலை வதக்கவும்.

மஞ்சள்தூள் மிளகாய்த்தூள் தனியாத்தூள் குழம்பு மிளகாய்த்தூள் சேர்த்து வதக்கவும்.

தேங்காய் துருவல் சேர்த்து வதக்கி நைசாக அரைக்கவும்.

கடாயில் எண்ணெய் விட்டு கடுகு வெந்தயம் கருவேப்பிலை வெங்காயம் தக்காளி சேர்த்து வதக்கவும்.

தக்காளி வதங்கியதும் அரைத்த மசாலா விழுதை சேர்த்து தண்ணீர் புளித்தண்ணீர் உப்பு சேர்த்து நன்றாக கொதிக்க விடவும்.

குறைந்த தீயில் குழம்பை பதினைந்து நிமிடம் கொதிக்க வைத்து மீனை சேர்க்கவும்.

பின் மல்லி இலை தூவி இறக்கவும். குழம்பில் மீன் துண்டுகள் நன்றாக ஊறிய பிறகு சாப்பிடவும்.

இறால் மசாலாவிற்கு: கடாயில் எண்ணெய் விட்டு பட்டை கிராம்பு வெங்காயம் இஞ்சி-பூண்டு விழுது சேர்த்து வதக்கவும்.

மஞ்சள்தூள் மிளகாய்த்தூள் தனியாத்தூள் சேர்த்து வதக்கவும்.

தக்காளி சேர்த்து வதக்கி இறால் உப்பு சேர்த்து வதக்கவும்.