முதலில் கத்திரிக்காயை நன்றாக கழுவி விட்டு அதனை நடுவில் நான்காக பிளந்து கொள்ளவும். கடாயில் எண்ணெய் சேர்த்து நறுக்கிய கத்திரிக்காய் மற்றும் உப்பு சேர்த்து நன்றாக வதக்கிக் தனியே எடுத்து வைக்கவும். பின்பு அதே கடாயில் எண்ணெய் சேர்த்து கடுகு வெந்தயம் பெருங்காயத்தூள் கருவேப்பிலை சேர்த்து தாளித்து பின்பு நறுக்கிய சின்ன வெங்காயம் மற்றும் பூண்டு சேர்த்து நன்றாக வதக்கவும்.

வெங்காயம் வதங்கியவுடன் அதில் மஞ்சள் தூள், மிளகாய் தூள் மற்றும் மல்லித் தூள் சேர்த்து நன்றாக வதக்கவும் பின்பு அரைத்த தக்காளி விழுதை சேர்த்து எண்ணெய் பிரியும் வரை வதக்கவும். பின்பு கரைத்த புளி தண்ணீரை சேர்க்கவும். புளி நன்றாக கொதித்து கெட்டியான பதம் வந்தவுடன் அரைத்த தேங்காய் விழுதை சேர்த்து நன்கு கலந்து விடவும்.

பின் குழம்பு நன்றாக கொதித்தவுடன் வதக்கிய கத்திரிக்காய் சேர்த்து 5 நிமிடம் கொதிக்க வைத்து இறுதியில் நறுக்கிய மல்லித்தழை சேர்த்து இறக்கவும். சுவையான எண்ணெய் கத்திரிக்காய் குழம்பு தயார் 😋