கேரள அடை பிரதமன்

முதலில் அடையை நன்றாக வேக வைத்து வடித்துக் கொள்ளவும். வடித்த பின் அதனை தண்ணீர் விட்டு நன்றாக அலசி கொள்ளவும். வாணலியில் நெய் விட்டு முந்திரி மற்றும் நறுக்கிய தேங்காய் துண்டுகளை வதக்கி தனியே எடுத்துக் கொள்ளவும். வெல்லத்தில் சிறிது தண்ணீர் சேர்த்து வெல்லம் கரைந்ததும் அதனை வடிகட்டி கொள்ளவும்.

வாணலியில் நெய் சேர்த்து வடித்து வைத்துள்ள அடையை சேர்த்து நன்றாக வதக்கவும். அதன்பின் கரைத்து வைத்துள்ள வெல்லத்தை சேர்க்கவும். வெல்லம் நன்றாக கொதித்து கெட்டியான பதம் வந்தவுடன் மூன்றாவது மற்றும் இரண்டாவது எடுத்து வைத்துள்ள தேங்காய் பாலை சேர்த்து கொதிக்க விடவும். நன்றாக கொதித்து சிறிது கெட்டியான பதம் வந்தவுடன் ஏலக்காய் தூள் சேர்த்து பின்பு முதல் தேங்காய்ப் பாலை சேர்த்து அடுப்பை அணைத்து விடவும்.இறுதியாக நெய்யில் வறுத்து வைத்துள்ள முந்திரி மற்றும் தேங்காய் துண்டுகளை சேர்த்து கலந்து விடவும்.