கோதுமை மாவில், தேவைக்கேற்ப உப்பு,ஒரு டேபிள்ஸ்பூன் எண்ணெய் சேர்த்து, சப்பாத்தி மாவை கெட்டியாக பிசைந்து கொள்ளவும். அவற்றை ஈரத்துணி போட்டு, மூடி ஒரு மணி நேரம் ஊறவைக்கவும்.

பிசைந்த மாவை சப்பாத்தி தேய்த்து கோதுமை மாவு தூவி படத்தில் உள்ளது போல் மடக்கி கட் செய்து கொள்ளவும். கோதுமை மாவு தூவி பொறுமையாக வெட்டிய நூடுல்சை விரித்து எடுத்து வைக்கவும்.

ஒரு பாத்திரத்தில் தண்ணீர் சுட வைத்து, அதில் சிறிது உப்பு மற்றும் ஒரு டேபிள் ஸ்பூன் ஆயில் சேர்த்து கொதிக்க வைக்கவும். தண்ணீர் நன்கு கொதிவந்ததும் வெட்டிவைத்த நூடுல்சை அதில் போட்டு 5 நிமிடம் வேகவிடவும். வெந்தவுடன் தண்ணீரை வடித்து தனியாக எடுத்து வைக்கவும்

கடாயில் ஒரு டேபிள்ஸ்பூன் எண்ணெய் சேர்த்து, 2 முட்டையை உப்பு மிளகு சேர்த்து பொரித்து எடுத்துக் கொள்ளவும்.

கடாயில் எண்ணெய் சேர்த்து இஞ்சி பூண்டு வெங்காயம் பொடியாக நறுக்கிய காய்கறிகளை ஒவ்வொன்றாக சேர்த்து வதக்கி பின் அதில் சிக்கன் மசாலா மற்றும் சிவப்பு மிளகாய் தூள் உப்பு சேர்த்து வதக்கவும்.

அதில் பொரித்து வைத்த முட்டையை சேர்த்து வதக்கவும். வடித்த நூடுல்சை சேர்த்து சிறிது சில்லி சாஸ் மற்றும் தக்காளி சாஸ் சேர்த்து இரண்டு முள் கரண்டி வைத்து பிரட்டி விடவும்.