ஒரு பவுலில் கோதுமை மாவு, உப்பு சேர்த்து கிளறி விடவும். 2 குழிக்கரண்டி எண்ணெய் அடுப்பில் வைத்து சூடாக வந்ததும் இதில் சேர்த்து கிளறி விட்டு தண்ணீர் ஊற்றி சப்பாத்தி மாவு பதத்திற்கு பிசைந்து வைத்து கொள்ளவும்.

ஒரு பாத்திரத்தில் சர்க்கரை சேர்த்து 1 கப் தண்ணீர் கரைத்து அடுப்பில் வைத்து கலந்து விடவும். ஏலக்காய் தூள் சேர்த்து கலந்து சர்க்கரை தண்ணீர் சிறிதளவு பிசு பிசுப்பு தன்மை வரும் வரை கலந்து விட்டு எடுக்கவும்.

சப்பாத்தி கட்டையில் மாவு வைத்து சப்பாத்தி போல தேய்த்து எடுத்து கொள்ளவும். இதை செவ்வக வடிவில் கட் செய்து கொள்ளவும். பிறகு அதை மேல், கீழ் சிறிதளவு இடம் விட்டு கத்தியால் கீறி விடவும்.

இதை இரண்டாக மடித்து ஓரங்களை அழுத்தம் கொடுத்து மறுபடியும் அதை இரண்டாக மடித்து அதன் ஓரங்களை அழுத்தி இதனை இரண்டாக பிரித்து ஒரு முனையை மடக்கி பின்புறமாக வெளியே எடுக்கவும். இலை வடிவில் வந்து விடும்.

வானலில் எண்ணெய் ஊற்றி காய்ந்ததும் அடுப்பை குறைத்து வைத்து இரண்டு பக்கமும் திருப்பி போட்டு பொன்னிறமாக பொரித்து எடுத்து கொள்ளவும்.

பிறகு பொரித்து எடுத்ததை சர்க்கரை பாகில் சேர்த்து சிறிது நேரம் ஊற விட்டு எடுத்து பரிமாறவும். இலை வடிவில் ஸ்வீட் தயார். நன்றி