இட்லி அரிசி 2 1/2 கப் கழுவி ஊறவிட்டு கிரைண்டரில் நைசாக அரைத்து வைக்கவும். பொட்டுக்கடலை 2 1/2 கப் மிக்ஸி ஜாரில் அரைத்து இரண்டு முறை சலித்து வைக்கவும்.

வெள்ளை எள்ளு 3 டேபிள் ஸ்பூன் எடுத்து வைக்கவும்.12 பல் பூண்டு தோல் நீக்கி கழுவி வைக்கவும்.வரமிளகாய் 15 எடுத்து வைக்கவும்.சிறிது தண்ணீர் சேர்த்து மிக்ஸியில் உப்பு பூண்டு வரமிளகாயை சேர்த்து நைசாக அரைத்து வைக்கவும்.

அரிசி மாவுடன் எள்ளு பெருங்காயம் சிறிது சேர்க்கவும். பொட்டுக்கடலை மாவு அரைத்த உப்பு பூண்டு வரமிளகாயை சேர்த்து பிசைந்து வைக்கவும்.

வெண்ணெய் 2 டேபிள் ஸ்பூன் அளவு எடுத்து கடாயில் சூடு செய்து பிசைந்த மாவுடன் சேர்க்கவும்.கடாயில் ரிப்பன் பக்கோடா பொரிக்க ஆயில் ஊற்றி அடுப்பில் வைக்கவும்.

ஆயில் சூடானவுடன் முறுக்கு குழலில் மாவை சேர்த்து, ரிப்பன் பக்கோடா பிழியும் அச்சில் மாவை ஆயிலில் பிழியவும்.எண்ணெய் சலசலப்பு அடங்கி இரு புறமும் பொன்னிறமாக சுட்டு எடுக்கவும்.சுவையான ரிப்பன் பக்கோடா ரெடி.😋😋