ஒரு வாணலியில் அரை கப் வரக்கொத்தமல்லி, கால் கப் சீரகம்,ரெண்டு ஸ்பூன் மிளகு,ஒரு டீஸ்பூன் சோம்பு, 6 ஏலக்காய், 10 கிராம்பு எல்லாவற்றையும் வர வருப்பாக வறுத்துக் கொள்ளவும். மிதமான தீயில் நன்கு வாசம் வரும் வரை வறுக்கவும்.

வறுத்த பொருட்களை நன்கு ஆறவிட்டு, மிக்ஸியில் மேற்கூறிய பொருட்களுடன் அரை ஸ்பூன் மஞ்சள்தூள், மற்றும் ஒரு ஸ்பூன் சுக்குத்தூள் சேர்த்து, நைஸாக அரைத்துக் கொள்ளவும். அரைத்த பவுடரை ஒரு ஏர் டைட் பாக்சில் போட்டு வைத்துக் கொள்ளவும்.

இப்போது மின்ட் மசாலா பால் செய்யலாம். ஒரு பாத்திரத்தில் இரண்டர கப் தண்ணீர் சேர்க்கவும். அதில் கழுவி சுத்தம் செய்த புதினா இலைகளை போட்டு, சூடு பண்ணவும். லேசாக கொதிக்க தொடங்கியவுடன் 3 ஸ்பூன் அரைத்த பவுடரை சேர்க்கவும். அதனுடன் 2 ஸ்பூன் பொடித்த வெல்லம் கலந்து கொதிக்க விடவும். ஐந்து நிமிடம் கொதித்த பிறகு அரை கப் பால் சேர்க்கவும். இவை அனைத்தையும் 2 நிமிடம் கொதிக்க விடவும். ஒரு ஸ்பூன் தேன் சேர்த்துக் கொள்ளவும்.பொதினா தலை சேர்த்திருப்பதால் வடிகட்டிக்கொள்ளவும். பொதினா சேர்க்கவில்லை என்றால் வடிக்க வேண்டாம்.

இந்த பானத்தை குளிர்காலம், மழைக்காலம்,உடல்நிலை சரியில்லாதபோது, நோயெதிர்ப்பு சக்தி வேண்டும் பொழுது தயார் செய்து குடிக்கலாம். குழந்தைகள் முதல் வயதானவர் வரை இந்த பானத்தை குடிக்கலாம்.