இஞ்சி பூண்டு குழம்பு🏋️💪

10 சின்ன வெங்காயத்தை நீள வாக்கில் அரிந்து கொள்ளவும். இரண்டு முழு பூண்டை தோல் உரித்து வைத்துக் கொள்ளவும். 2 இன்ச் நீளமுள்ள இஞ்சியை தோல் நீக்கி பொடிாக நறுக்கிக்கொள்ளவும். புலியை தண்ணீரில் ஊற வைத்துக் கொள்ளவும்

ஒரு வாணலியில் இரண்டு ஸ்பூன் எண்ணெய் விட்டு, காய்ந்தவுடன் ஒரு ஸ்பூன் கடுகு அரை ஸ்பூன் உளுத்தம் பருப்பு கால் ஸ்பூன் பெருங்காயத்தூள், ஒரு வரமிளகாய் மற்றும் கருவேப்பிலை சேர்த்து தாளித்து கொள்ளவும்.அதில் அரிந்த வெங்காயத்தை ஒரு நிமிடம் சேர்த்து வதக்கவும். மீண்டும் அதில் பூண்டு பற்களை சேர்த்துக் கொள்ளவும். ஒரு 3 நிமிடம் வதங்க விடவும்.

வெங்காயம், பூண்டு நன்கு வதங்கிய பின் அதில் இரண்டு ஸ்பூன் சாம்பார் தூள் மற்றும் அரை ஸ்பூன் மஞ்சள் தூளை சேர்க்கவும். தேவையான உப்பு சேர்த்துக் கொள்ளவும்.ஒரு டம்ளர் தண்ணீர் சேர்த்து மூடிவைத்து வேகவிடவும்.

வேறு ஒரு தனி கடாயில், ஒரு ஸ்பூன் எண்ணெய் சேர்த்து சூடானவுடன் ரெண்டு ஸ்பூன் வரக்கொத்தமல்லி,ஒரு ஸ்பூன் கடலை பருப்பு, அரை ஸ்பூன் உளுத்தம் பருப்பு, அரை ஸ்பூன் சீரகம், கால் ஸ்பூன் மிளகு, இரண்டு வர மிளகாய் மற்றும் பொடியாக அறிந்து வைத்த இஞ்சியை சேர்த்து நன்கு சிவக்க வறுக்கவும். இஞ்சி வாசம் வந்தவுடன் 3 ஸ்பூன் தேங்காய் துருவலை சேர்த்து வறுத்துக் கொள்ளவும். இவற்றை ஆற வைத்து மிக்ஸியில் நைசாக அரைத்துக் கொள்ளவும்.

பூண்டு வெங்காயம் வெந்தவுடன் கரைத்து வைத்த புளித்தண்ணீரை சேர்த்து ஒரு கொதி விடவும். அரைத்து வைத்த விழுதை சேர்த்து மீண்டும் ஒரு கொதி விடவும். கடைசியாக ஒரு ஸ்பூன் வெல்லம் சேர்க்கவும்.. இப்போது இஞ்சி பூண்டு குழம்பு சாப்பிடுவதற்கு தயார்.