கொண்டைக்கடலை பீச் சுண்டல்/ channa 🏋️

முதல் நாள் இரவே கொண்டைக்கடலையை தண்ணீரில் ஊற வைத்துக் கொள்ளவும். குறைந்தது எட்டு மணி நேரம் ஊறட்டும்.மறுநாள் ஊறவைத்த கொண்டைக்கடலையை குக்கரில் தண்ணீர் சேர்த்து தேவையான அளவு உப்பு சேர்த்து 5 விசில் விடவும். வெந்துவிட்டதா என்று பார்த்துக் தண்ணீர் வடித்து கொள்ளவும். பொடியாக ஒரு பெரிய வெங்காயத்தை நறுக்கிக்கொள்ளவும். 3 பச்சை மிளகாய், இஞ்சித் துண்டுகள், துருவிய தேங்காய், பெருங்காயத்தூள்,ஒரு வரமிளகாய் சேர்த்து மிக்ஸியில் கரகரப்பாக அரைத்துக் கொள்ளவும்.

ஒரு வானலியில் ஒரு ஸ்பூன் எண்ணெய் சேர்த்து கடுகு, உளுத்தம்பருப்பு, மற்றும் வெங்காயத்தை சேர்த்து நன்குவதக்கிக் கொள்ளவும். அதனுடன் வெந்த சுண்டலை சேர்த்துக் கொள்ளவும். அரைத்து வைத்த தேங்காய் விழுதையும் பிறகு சேர்க்கவும்.

ஒரு நிமிடம் நன்கு இவற்றை கிளறி, ஒரு மூன்று நிமிடம் மூடி வைக்கவும். பிறகு துருவிய கேரட் 3 ஸ்பூன், 3 ஸ்பூன் நறுக்கிய மாங்காய் துண்டுகள் கருவேப்பிலை கொத்தமல்லி சேர்த்து நன்கு கிளறி விடவும். சுவையான பீச்சில் விற்கப்படும் மசாலா சுண்டல் தயார். மாலை நேர ஸ்நாக்ஸாக குழந்தைகள் முதல் பெரியோர்கள் வரை அனைவருக்கும் கொடுக்கலாம். சர்க்கரை நோயாளிகளுக்கு மாலை நேர ஸ்நாக்ஸாக இதைக் கொடுக்கலாம்.