பீன்ஸ் முட்டை பொரியல்

முதலில் பீன்ஸ் சிறு சிறு துண்டுகளாக நறுக்கி வைத்து ஒரு பாத்திரத்தில் தண்ணீர் ஊற்றி சிறிதளவு உப்பு, மஞ்சள் தூள் சேர்த்து கொதிக்க விட்டு பீன்ஸ் சேர்த்து முக்கால் பதத்திற்கு வேக வைத்து எடுக்கவும்.

வானலில் எண்ணெய் ஊற்றி காய்ந்ததும் கடுகு, கடலைப்பருப்பு தாளித்து வெங்காயம், கறிவேப்பிலை, பச்சை மிளகாய் சேர்த்து வதக்கி தக்காளி, உப்பு போட்டு நன்கு வதக்கவும். பிறகு முட்டையை உடைத்து ஊற்றி உப்பு, மஞ்சள் தூள் சேர்த்து கிளறி விடவும்.

முட்டை பாதி அளவு வெந்ததும் வேக வைத்து எடுத்த பீன்ஸ் சேர்த்து நன்கு கிளறி முட்டை, காய் வேகும் வரை கிளறி விடவும். கடைசியாக கொத்தமல்லி தூவி இறக்கவும். பீன்ஸ் முட்டை பொரியல் தயார். நன்றி