மசாலா அரைக்க:-வெங்காயம்,தக்காளியை சிறிது எண்ணெய் சேர்த்து நன்றாக வதக்கிக் கொள்ளவும். அதனுடன் மல்லித்தூள் மிளகாய்த்தூள் சேர்த்து கிளறி இறக்கவும். அதனுடன் பட்டை, கிராம்பு, கசகசா,சோம்பு,தேங்காய் துருவல் சேர்த்து நன்றாக அரைத்துக் கொள்ளவும்.

குக்கரில் எண்ணெய் சேர்த்து எண்ணெய் காய்ந்ததும் பச்சை மிளகாய், கறிவேப்பிலை தாளித்து இஞ்சி பூண்டு விழுது சேர்த்து வதக்கவும். அதன்பின் சுத்தம் செய்த மட்டனை சேர்த்து அதனுடன் உப்பு,சிறிதளவு மஞ்சள்தூள் சேர்த்து நன்றாக கிளறிவிடவும். மட்டன் வதங்கியவுடன் அரைத்த மசாலாவை சேர்த்து உப்பு சரிபார்த்து தேவையான அளவு தண்ணீர் சேர்த்து மூடிவைத்து குக்கரில் 2 விசில் விடவும். விசில் அடங்கியதும் நறுக்கிய கொத்தமல்லி இலை தூவி இறக்கவும். சுவையான மட்டன் குழம்பு தயார்.