முட்டை மிளகு சாதம் (Muttai milagu saatham recipe in tamil)

முதலில் சாதம் வேக வைத்து எடுத்து ஒரு தட்டில் கொட்டி ஆற வைத்து கொள்ளவும். ஒரு வானலில் எண்ணெய் ஊற்றி காய்ந்ததும் முட்டையை உடைத்து ஊற்றி உப்பு, மிளகு தூள் சேர்த்து வதக்கி எடுக்கவும்.

அதே வானலில் எண்ணெய் ஊற்றி காய்ந்ததும் கடுகு, உளுத்தம்பருப்பு, மிளகு, கடலைப்பருப்பு போட்டு தாளித்து பூண்டு பல் சிறு சிறு துண்டுகளாக நறுக்கி வதக்கவும். இதில் வெங்காயம், கறிவேப்பிலை, காய்ந்த மிளகாய் சேர்த்து நன்கு பொன்னிறமாக வதக்கவும்.

பிறகு மிளகு தூள், உப்பு சேர்த்து வதக்கி ஆற வைத்த சாதத்தை இதில் சேர்த்து கிளறி தேவையான அளவு மிளகு தூள், உப்பு சேர்த்து காரம் சரிபார்த்து கொள்ளவும். பிறகு கொத்தமல்லி தூவி வதக்கி வைத்த முட்டையை இதில் சேர்த்து நன்கு கிளறி விட்டு 2 நிமிடம் மூடி வைத்து வேக வைத்து இறக்கவும். நன்றி