தக்காளி,வெங்காயத்தை நறுக்கி வைத்துக் கொள்ளவும்.

ஒரு கடாயை ஸ்டவ்வில் வைத்து சூடானதும் எண்ணெய் ஊற்றி காய்ந்ததும் நறுக்கிய தக்காளியை சேர்த்து நன்கு வதக்கி தயாராக வைத்துக்கொள்ளவும்.

கடாயில் எண்ணை சூடு செய்து வெட்டி வைத்துள்ள வெங்காயம், வற்றல், தனியாத்தூள், சீரகத்தூள், கறிவேப்பிலை, பட்டை, கிராம்பு, சோம்பு எல்லாம் சேர்த்து வதக்கவும்.

பின்னர் மிக்ஸியில் வறுத்த மாசலாவுடன், தேங்காய் துண்டுயும் சேர்த்து விழுதாக அரைக்கவும்.

அத்துடன் வதக்கி வைத்துள்ள தக்காளியை சேர்த்து அரைக்கவும்.

பின்பு வாணலியில் எண்ணை ஊற்றி கடுகு, கறிவேப்பிலை, வெங்காயம் சேர்த்து வதக்கி, அரைத்து வைத்துள்ள மசாலாவை சேர்த்து, கொஞ்சம், தண்ணீர், உப்பு சேர்த்து நன்கு கொதிக்க வைக்கவும்.

தக்காளி மசாலா ஐந்து நிமிடங்கள் கொதிக்க வைத்து கொஞ்சம் கெட்டியானதும் இறக்கினால் தக்காளி குழம்பு தயார்.

இந்த குழம்பு சாதம், இட்லி, தோசை எல்லாவற்றுடனும் சேர்த்து சாப்பிட சுவையாக இருக்கும்.