முதலில் வெண்டைக்காயை நன்கு கழுவி காய்ந்த நல்ல துணியில் துடைத்து கொள்ளவும். வெண்டைக்காயை காம்பு நீக்கி நான்காக பிளந்து அதை மிகவும் சிறியதாக அறிந்து கொள்ளவும். படத்தில் காட்டியுள்ளபடி அரிந்து கொள்ளவும். பெரிய வெங்காயத்தை மிகவும் பொடியாக அரிந்து கொள்ளவும். பச்சை மிளகாய் சேர்த்துக் கொள்ள விரும்புபவர்கள் சேர்த்துக் கொள்ளலாம். பச்சைமிளகாய் கலரும் வெண்டைக்காய் கலரும் ஒரே நிறமாக இருப்பதால் குழந்தைகள் சாப்பிட சிரமப்படுவார்கள். அதனால் வரமிளகாய் சேர்ப்பது நல்லது. வரமிளகாயை கிள்ளி வைத்துக் கொள்ளவும்.

ஒரு வாணலியில் நான்கு ஸ்பூன் எண்ணெய் சேர்த்து சூடானவுடன் கடுகு சேர்த்து பொரியவிடவும்.பிறகு அரை ஸ்பூன் கடலைப் பருப்பு, அரை ஸ்பூன் உளுத்தம் பருப்பு, 4 கிள்ளிய வரமிளகாய் சேர்த்து லேசாக சிவந்தவுடன் வெங்காயத்தை சேர்த்து வதக்கவும். வெங்காயம் நன்கு வதங்கிய பின் கால் ஸ்பூன் மஞ்சள் தூள், அரை ஸ்பூன் வரமிளகாய்த்தூள் சேர்க்கவும். பிறகு வெண்டைக்காயை சேர்க்கவும். வெங்காயம் நன்கு வதக்கியபின் வெண்டைக்காய் சேர்த்தால் வழவழப்பு இருக்காது.

வெண்டைக்காயை நன்கு வதங்க விடவும். வாணலியை மூடி வைக்கக் கூடாது. மூடிவைத்து வேர்வை தண்ணீர் பட்டால் வெண்டைக்காய் குழகுழப்பு ஆகிவிடும். அதேபோல் வெண்டைக்காய் நன்கு வதங்கியவுடன் தூள் உப்பு சேர்க்கவும். எல்லாவற்றையும் நன்கு கலந்து விட்டு வெண்டைக்காய் நிறம் மாறும் வரை நன்கு வதக்கிக் கொள்ளவும்.

இப்போது துருவிய தேங்காய் இரண்டு ஸ்பூன் தேவை என்றால் சேர்த்துக்கொள்ளலாம். இவற்றையும் நன்கு வதக்கிக் கொள்ளவும். கடைசியாக கருவேப்பிலை கொத்தமல்லி சேர்த்து கலந்து கொள்ளவும். சுவையான வெண்டைக்காய் ஃப்ரை ரெடி. படத்தில் பிசைந்து சாப்பிட ரசம் சாதத்திற்கு தொட்டு சாப்பிட சுவையாக இருக்கும்.